10/25/2014

你估呢單野點收科?

. .
w

如無更多其他變數出現,呢單野將會好快收科。

好多想睇大戲既人,將會十分失望。

香港處在大海之邊,每日見慣潮脹潮落。一個浪頭冚落,你以為今次死梗,但浪頭吾係海嘯,唔會毁滅整個城市。

雖然係一波未平,一波又起,波浪或者會擊碎一D離岸既岩石,甚至會將海邊釣魚既人捲走,但波浪始终會上會落,唔可能將太平山移平。

但如果以為,退潮之後又可以大覺睏,就會錯估形勢。

佢以為只係波浪,可以不理。其實呢場叫做唔係波。智慧既港人,都知道乜野叫做「唔係波」。咁唔係波係乜呢?

咁大镬都睇唔倒?

呢镬係湯,唔係波。

底下不斷加以柴火,上邊不斷升温,沸騰矣。

中國人對付沸騰,有一個奇妙方法。就係插枝镬剷入去。如無镬剷,掃把都得。個镬咁大,要掃把方能有用。揾個大力士嚟,不斷搞動掃把,沸騰的勢頭,可以稍止。

其實只係四字真言: 揚湯止沸,係無撚用既。

乜嘢叫做沸騰呢?

水中有氣,氣體受熱,鼓動成泡,就是沸騰。

所以正確方法係釜底抽薪。把加熱的元素抽走,就不怕外力鼓動了。

民心有氣,這才是貼切的形勢分析。

氣從何來?

多如牛毛的貪污,做假,只要略加油鹽烹煮,就是一道妖魔化大菜。材料既然真實,炒作好難避免。

另外,尚要提防乾水。經濟一旦崩潰,镬中無水,神仙難救了。

沒有留言: